പേറ്റന്റ് കൊള്ള

മോഡി ഒബാമ സംയുക്ത പ്രസ്താവനയിൽ നിന്ന്:

ട്രേഡ് പോളിസി ഫോറത്തിന്റെ ഭാഗമായി ഉന്നതതല ബൌദ്ധിക സ്വത്തവകാശ പ്രവര്ത്തന സമിതി രൂപീകരിക്കാൻ രണ്ടു നേതാക്കന്മാരും തീരുമാനിച്ചു. ആവശ്യമായ തീരുമാനങ്ങളെടുക്കുന്നതിനും സാങ്കേതിക കാര്യങ്ങൾ തീരുമാനിക്കുന്നതുനും ഈ സമിതി വാര്ഷിക യോഗങ്ങൾ നടത്തും.

ചെറിയ കാര്യമല്ല. അമേരിക്കൻ കുത്തകകല്ക്ക് തോന്നിയപോലെ ലാഭമുണ്ടാക്കാൻ ഇന്ത്യൻ പേറ്റന്റ്‌ നിയമങ്ങൾ അനുവദിക്കുന്നില്ല എന്ന പരാതി പണ്ട് മുതലേ അമേരിക്കയ്ക്കുണ്ട്. അക്കാര്യത്തിൽ ഇന്ത്യയിൽ പൊതുസമ്മതമായ നിലപാടുണ്ട്. പലപ്പോഴും അമേരിക്കാൻ മരുന്ന് കമ്പനികളുടെ കൊള്ളയിൽ നിന്ന് ഇന്ത്യൻ ഉപഭോക്താക്കളെ രക്ഷപ്പെടുത്തുന്നത് ഈ നിലപാടിന്റെ അടിസ്ഥാനത്തിൽ നിർമ്മിക്കപ്പെട്ടിട്ടുള്ള നിയമങ്ങളാണ്.

ആരുമറിയാതെ ആണവ കരാർ രൂപപ്പെടുത്തിയ മൻമോഹൻ സിങ്ങുപോലും നാട്ടിലെ പൊതു സമ്മിതി ലംഘിക്കാൻ തയ്യാറാകാതിരുന്ന വിഷയത്തിലാണ് മോഡി പോയി തലവയ്ക്കുകയും അമേരിക്കയുമായി ചേർന്ന് സംയുക്ത സമിതി ഉണ്ടാക്കുകയും ചെയ്തിരിക്കുന്നത്. അവശ്യ മരുന്നുകളുടെ വില നിയന്ത്രണം അതിനായുള്ള സമിതിയിൽ നിന്ന് നീക്കം ചെയ്ത ഉത്തരവിനെ ഇതിന്റെയൊക്കെ ഫലമായി കാണേണ്ടി വരും.

സ്വച്ച് ഭാരത്നെന്നൊക്കെ പറഞ്ഞു ചൂലെടുക്കുംപോഴും, സ്വദേശി ജാഗരൻ എന്ന് പറഞ്ഞു മസിലു പെരുപ്പിക്കുമ്പോഴും ഇത്തരം ചില പണികൾ കൂടി മോഡി ഒപ്പിക്കുന്നത് കാണാതെ പോകരുത്

ഹസ്സനാരാ മോൻ

ഇന്ദിര, രാജീവ്, സോണിയ മുതൽ പ്രിയങ്കയും രാഹുലുമടക്കമുള്ളവരെ പരിഹസിച്ചു പുസ്തകമെഴുതിയ തരൂർ എങ്ങിനെ കൊണ്ഗ്രസിൽ ലാൻഡ് ചെയ്തു എന്നത് എന്നെ പണ്ടും അമ്പരപ്പിച്ചിട്ടുണ്ട്; അദ്ദേഹം ബി ജെ പി യിൽ ചെര്ന്നാലും ഞാൻ ഒട്ടും അട്ഭുതപ്പെടില്ല. പക്ഷെ എനിക്ക് മനസ്സിലാകാത്തത് കൊണ്ഗ്രസുകാർക്ക് എന്താണ് നേരം വെളുക്കാത്തത് എന്നാണു. എല്ലാ സ്തുതിയും സോണിയയ്ക്കും രാഹുലിനും, എല്ലാ തെറിയും മോഡിയ്ക്കും എന്ന മുദ്രാവാക്യം അത്ര തന്നെ വർക്ക് ചെയ്യില്ല എന്ന് അവര്ക്ക് ഇനിയും മനസ്സിലായില്ലേ? കോണ്‍ഗ്രസിൽ തരൂരിന്റെ എതിര്വശത്തു നില്ക്കുന്ന മണി ശങ്കർ അയ്യർ ചായക്കച്ചവടക്കാരൻ എന്ന് വിളിച്ചപ്പോൾ അതൊരു അധിക്ഷേപമായി കണക്കാക്കാതെ ബഹുമതിയായി കൊണ്ടുനടന്ന ആളാണ്‌ മോഡി. ഈ എം എസ പണ്ട് പറഞ്ഞപോലെ എതിരാളി എന്തെങ്കിലും നല്ല വാക്ക് പറഞ്ഞാലാണ് മോഡി ദുര്ബലനാകുന്നത്. അത് മനസ്സിലാക്കാതെ കൊണ്ഗ്രസുകാർ ഇപ്പോഴും മോഡിയെ ചീത്ത പറയുന്നതാണ് രാഷ്ട്രീയം എന്ന് കരുതി തരൂരിന്റെ മെക്കട്ട് കയറുന്നു. വൃത്തിയായി സംസാരിക്കുന്ന തരൂർ ശരിക്കും പറഞ്ഞാൽ ഇനിയുള്ള കാലത്തെ മധ്യ വർഗ്ഗത്തെ ആകര്ഷിക്കാനുള്ള കോണ്‍ഗ്രസിന്റെ ഒരു തുരുപ്പു ചീട്ടാണ്‌. അയാളെ കൊണ്ടുപോയി ബി ജെ പി യിൽ ചെര്ക്കുന്നതോടെ ഹസൻജിയ്ക്ക് സമാധാനമാകും

Open letter Sonia didn't write to Modi

An open letter Congress president Sonia Gandhi did not write to Prime Minister Narendra Modi.

My dear Modiji,

I write this letter to congratulate you on launching Swacch Bharat Abhiyaan and to offer my party’s unstinted support for it.

As Congress president, I feel very proud these days as you keep discovering the virtues of my predecessors, one after the other. It’s a rare honour, I must admit, as it comes from the political rival.
Even Congressmen have forgotten most of them, and I have launched an idea challenge for my party to locate such ideals. (In the meanwhile, I shall challenge you, too, to tell us something on what Sanghi leaders have said in the last nine decades that is worthy of recall.)

Even if you don’t, the Congress shall support Swacch Bharat. Cleanliness was very close to Mohandas Karamchand Gandhi (Mohandas, not Mohanlal. It seems you love to mix up their names ….The latter is a cute but overweight and ageing superstar in Malayalam, now facing some court case for dealing with contraband stuff like ivory.), and I am very proud that you have been invoking his name everywhere, even in Madison Square Garden.

I would like to humbly submit that once you are done with the Swacch Bharat party, please remember that there are other ideals that Gandhiji held close to his heart. They revolve around ahimsa, Hindu-Muslim unity, truth etc. It would be great if you could invoke them in your speeches, especially the ones you would deliver in Gujarat and in Pune. You do it or not, the Congress shall support Swacch Bharat.

I loved the glee on your face and your fans when you declared at MSG, live on BBC, that most Indians don’t have decent toilets. Even Bill Gates said today that he often takes up the issue when he meets Indian leaders, but you were different. You broached the issue first, he has written. That’s courage, man! Courage of conviction, I would say. And that’s another reason for the Congress to support Swacch Bharat.

India is such a country that you find pessimists all around. They are angry that you are going around the globe saying that we Indians defecate in the open. They want me to ask you if you have missed some odd statistics which state that 60 per cent households in Gujarat have no toilets. I wonder how these numbers made it to the books! Nevertheless, we shall support Swacch Bharat, for it will clean up Gujarat, too!

People tell me that the project has a distinct Modi stamp on it. Though the government is still on the drawing board adding and subtracting sums, it has finalized plans for the PR blitzkrieg . Old Gujarat games, right! Still I think I shall be of some help to you. Some officials of the old National Advisory Council came calling me the other day and said they had prepared a similar plan during UPA time. The turbaned duo torpedoed it, as they would do to several of our pet schemes. I shall forward the stuff. That will be another reason why the Congress shall support Swacch Bharat.

I understand that you won’t need anything from us on the PR front. I must admit that we don’t have photoshop experts, nor will you require them. Still, if you want some guys who are clever by half at announcing projects with no money, then I shall spare the services of Kerala Chief Minister Oommen Chandy. If you come to such a pass that you can’t move forward building toilets, then get him in. He shall save the situation by getting defecation banned in the country. Our Thiruvananthapuram MP might also like to work with his new-found love for you. Come what may, the Congress shall support Swacch Bharat.

Last but not least: please accept my belated birthday wishes. In fact, I wanted to call you on September 16, but then I saw you on TV that day, busy entertaining Chinese President Xi on the banks of Sabarmati. My folks tell me it’s no more a river; it’s a stinking sewage as one can see anywhere in Gujarat. I hope that Swacch Bharat would take care of Sabarmati and restore its past glory so that you would be able to host some other visiting presidents on the banks of a pristine river which it once was. That would be reason enough for the Congress to support Swacch Bharat.

Assuring you all the support for Swacch Bharat again, and requesting you not to tinker with the land Acquisition Act like the way you did to the drug price control measures we had introduced,

Yours sincerely,

S. Gandhi

PS: Priyanka and I saw you on television the other day saying in Haryana something about my dear son-in-law. If you can do something about him, please go ahead. Priyanka is all anticipation about Modi uncle.

ശുചിത്വ ഭാരതം

സോണിയ ഗാന്ധി ഉടനെ പത്ര സമ്മേളനം നടത്തി 'ശുചിത്വ ഭാരത' പദ്ധതിയ്ക്ക് പിന്തുണ പ്രഖ്യാപിക്കണം. നിർമൽ ഭാരത്‌ അഭിയാൻ പദ്ധത്യ്ക്ക് വേണ്ടി തയ്യാറക്കി വച്ചിരുന്ന പേപ്പറുകളും റിപ്പോര്ട്ടുകളും പൊടി തുടച്ചെടുത്ത്‌ പി എം ഓ യിലേക്ക് ഉടനെ അയക്കുന്നുണ്ട് എന്നുപറയണം. ഇത് യു പി എ സര്ക്കാരിന്റെ പദ്ധതി ഇത്തിരി മാറ്റം വരുത്തിയതെ ഉള്ളൂ എങ്കിലും എല്ലാ പിന്തുണയും നല്കുന്നു എന്ന് പറയണം. മഹാത്മാ ഗാന്ധിയുടെ എറ്റവും പ്രധാനപ്പെട്ട ഒരു മുദ്രാവാക്യത്തെ ഏറ്റെടുത്തതിനു നന്ദി പറയണം, ശുചിത്വം മാത്രമല്ല ഹിന്ദു-മുസ്ലിം ഐക്യവും അദ്ദേഹത്തിനു പ്രധാനപ്പെട്ട വിഷയമായിരുന്നു എന്നോർമ്മിപ്പിക്കണം. ഇതിനെത്ര പണം വേണം എന്നൊന്നും സർക്കാർ കൃത്യമായി കണക്കാക്കിയിട്ടില്ലെങ്കിലും കാര്യങ്ങൾ നടക്കും എന്ന് ശുഭാപ്തി വിശ്വാസം പ്രകടിപ്പിക്കണം. ഗുജറാത്തിലെ കാര്യം വലിയ കഷ്ടമാണ്, അവിടെ പ്രത്യേക ശ്രദ്ധ ചെലുത്തണം എന്ന് മോഡിയെ ചട്ടം കെട്ടണം; കോണ്‍ഗ്രസ് മുഖ്യമന്ത്രിമാരോട് പദ്ധതിയിൽ നല്ല ശ്രദ്ധ കാണിക്കണം എന്ന് പരസ്യമായി ആവശ്യപ്പെടണം. ഫോട്ടോ ഷോപ്പ് വിദഗ്ദർ പാർട്ടിയിൽ ഇല്ല, എങ്കിലും 'ആശാന്റെ നെഞ്ചത്ത്-കളരിയ്ക്ക് പുറത്ത്' സിദ്ധാന്തപ്രകാരം പദ്ധതി നടപ്പാക്കാൻ ഉമ്മൻ ചാണ്ടിയുടെ സേവനം ആവശ്യമാണെങ്കിൽ വിട്ടു തരാം എന്ന് ഓഫർ ചെയ്യണം. മാലിന്യ നിര്മ്മാര്ജ്ജനം നടന്നില്ലെങ്കിൽ മാലിന്യ നിര്മ്മാണം നിരോധിചാനെങ്കിലും പുള്ളി തടി രക്ഷപ്പെടുത്തും എന്ന് പ്രത്യേകം പറയണം. പ്ലാസ്റ്റിക്, തെർമോകോൾ കപ്പുകളിൽ ചായക്കച്ചവടം നടത്തുന്നത് കർശനമായി നിരോധിക്കണം എന്നാവശ്യപ്പെടണം. ഇത് പറഞ്ഞതുകൊണ്ട് പേഴ്സണലായി എടുക്കരുതെന്ന് അഭ്യര്ധിക്കണം ഒക്കെ വേഗം വേണം. അല്ലെങ്കിൽ നാളെ സുധീരൻ തരൂരിനെ പാർട്ടീന്നു പുറത്താക്കും

വെള്ളക്കരം: സമരവഴി

ബഹുമാനപ്പെട്ട പിണറായി വിജയന് അറിയാൻ,

ബ്രിട്ടീഷുകാരോടല്ലായിരുന്നെകിൽ ഗാന്ധിജിയുടെ സമര രീതി പരാജയപ്പെട്ടു പോയിരുന്നേനെ എന്ന് കേട്ടിട്ടുണ്ട്. താങ്കൾ പരിചയിച്ച രാഷ്ട്രീയവും സമര രീതികളും മനസ്സിലാകുന്ന ഒരു എതിരാളിയല്ല ഉമ്മൻ ചാണ്ടി. നിയമസഭ വിളിച്ചുകൂട്ടി കാര്യം പറയണമെന്നും , അതുവരെ കൂട്ടിയ കരം അടയ്ക്കാതെ പ്രതിഷേധിക്കണമെന്നും താങ്കൾ പറഞ്ഞപ്പോൾ "മദ്യത്തിന്റെ കരമാണോ അടയ്ക്കാതിരിക്കുന്നെ" എന്ന് ചോദിച്ച ആളാണ്‌ ഉമ്മൻ ചാണ്ടി. മദ്യത്തിന് ഉപഭോക്താവ് കൊടുക്കുന്നത് വിലയാണെന്നും അതിൽ നികുതി കണക്കാക്കുന്നതിൽ ഉപഭോക്താവിന് റോളില്ലെന്നും അറിയാത്ത ആളല്ല അദ്ദേഹം. കുതന്ത്രങ്ങളും കുബുദ്ധിയും നിറഞ്ഞ തലയിൽനിന്നും ഇത്തരം ഉടക്കു വർത്തമാനമേ വരൂ എന്നങ്ങു ആശ്വസിക്കുക. ഇത്തരം എതിരാളിയോടുള്ള സമരം തന്ത്രപൂർവ്വം നടത്തേണ്ട ഒന്നാണ്.

താങ്കളുടെപോലുള്ള ഋജുവായ ഭാഷയിൽ കാര്യങ്ങൾ പറഞ്ഞാൽ ഇപ്പോഴത്തെ കേരളത്തിൽ ചിലവാകില്ല. അതുകൊണ്ട് അനുകൂലമായ മറ്റു ചില ഘടകങ്ങളെ ബുദ്ധിപൂർവ്വം ഉപയോഗിക്കണം എന്നൊരപേക്ഷ താങ്കളുടെ മുന്പാകെ സമർപ്പിക്കുന്നു. അങ്ങേയറ്റം മാധ്യമ സഹായം ഈ വിഷയത്തിൽ പ്രതിപക്ഷത്തിന് ഉണ്ടാകാനുള്ള സാധ്യതയുണ്ട്. സാധാരണക്കാരന്റെ നടുവോടിക്കുമെന്നു മനോരമ മുഖപ്രസംഗം എഴുതണമെങ്കിൽ സർക്കാർ അവരുടെ വായനക്കാരിൽ എന്തുമാത്രം വെറുപ്പ് ഉൽപ്പാദിപ്പിച്ചു കഴിഞ്ഞിട്ടുണ്ടാകും എന്ന് കണക്കാക്കണം. ( കാര്യം ചാണ്ടി മ്മടെ ആളാണ്, പക്ഷെ വായനക്കാരുടെ കൂടെയാണ് എന്നവരെ ധരിപ്പിച്ചില്ലെങ്കിൽ പത്രം വിറ്റുപോകില്ലെന്ന് അച്ചായനെ ആരും പഠിപ്പിക്കേണ്ട).

അതുകൊണ്ട് മാധ്യമ ചർച്ചകളിൽ നമ്മുടെ സ്ഥിരം കുറ്റികളായ മാധവൻ കുട്ടി സാറിനെയും ഭാസുരേന്ദ്ര ബാബു സാറിനെയും ആനത്തലവട്ടം സഖാവിനെയും വിടരുത്. ജയരാജ സഖാക്കളോടും വിശ്രമിക്കാൻ പറയണം. പകരം, താൻ വളരെ മര്യാദക്കാരനായി മാറിയ കാര്യം ഇതുവരെ അറിയാതെപോയ മട്ടിൽ എതിരാളികളെ തൊലിയുരിക്കുന്ന സ്വരാജിനെയും നിഷ്കളങ്കമായ മുഖഭാവത്തോടെയും അങ്ങേയറ്റത്തെ വിനയത്തോടെയും മുഖമടച്ചു വർത്തമാനം പറയുന്ന മുഹമ്മദ്‌ റിയാസിനെയും ചിരിച്ചുകൊണ്ട് കഴുത്തറക്കുന്ന ഷംസീറിനെയും ആ പണിയെൽപ്പിക്കുക.

ഇടയ്ക്കിടയ്ക്ക് ശതമാനക്കണക്ക് പറയാൻ തോമസ്‌ ഐസക്കിനോടും പറയണം. (അതൊന്നും പറഞ്ഞാൽ യു ഡി എഫിലാര്ക്കും മനസിലാകും എന്ന പ്രതീക്ഷ വേണ്ട. പത്തിന് മുകളിലേയ്ക് കൂട്ടണമെങ്കിൽ കാൽ വിരലുകളിൽ കൈ വെക്കേണ്ട ആവശ്യമില്ലാത്ത അപൂർവ്വം യു ഡി എഫുകാരിൽ ഒരാളാണ് താങ്കളുടെ പഴയ ശിഷ്യനായ സി പി ജോണ്‍. ജോണ്‍ ഇന്നലെ പറഞ്ഞത് മദ്യ വരുമാനമില്ലാതെ രാജ്യം ഭരിക്കുന്ന വെല്ലുവിളി യു ഡി എഫ് ഏറ്റെടുക്കാൻ പോവുകയാണ് എന്നും, അതിനു വേണ്ടിയാണ് മദ്യ നികുതി കൂട്ടിയത് എന്നുമാണ്. താങ്കൾക്ക് മനസ്സിലായിക്കാണില്ല. എനിക്കും മനസ്സിലായില്ല. അതാണ്‌ അപ്പുറത്തുള്ള സൈസുകൾ എന്ന് മാത്രം മനസ്സിലാക്കുക ).

പിന്നെ എല് ഡി എഫ് വക മാമൂൽ പ്രചാരണങ്ങൾ നടക്കട്ടെ. ഇപ്പോഴുള്ള മാധ്യമ പിന്തുണ പോകാതെ നോക്കിയാല മാത്രം മതി. സെക്രട്ടെരിയെറ്റു വളയൽ സമരത്തിനില്ലാത്ത ഒരനുകൂല ഘടകം ഇപ്പോഴുണ്ട്. അന്ന് നേരത്തെ തിയതി പ്രഖ്യാപിച്ഛതുകാരണം തിരുവനന്തപുരത്തെ കക്കൂസുകൾ പൂട്ടി സമരത്തെ തോല്പ്പിക്കാൻ ഉമ്മൻ ചാണ്ടിയ്ക്ക് പറ്റി. വെള്ളക്കരം അടയ്ക്കാൻ അങ്ങിനെ പ്രത്യേക സമയമൊന്നുമില്ലല്ലൊ.

അപ്പോൾ വെള്ളക്കരമടയ്ക്കാത്ത ഒരു സഖാവിനെ കണ്ടുപിടിക്കുക. ആ സഖാവിന്റെ വീടിനു ചില പ്രത്യേകതകൾ വേണം. 1. ടൌണിലായിരിക്കണം. ചാനൽ ക്യാമറകൾക്ക് പെട്ടെന്ന് എത്താൻ പറ്റണം. 2. അവിടെ കണക്ഷൻ വിച്ചെദിക്കാൻ വരുന്ന ആൾ മ്മടെ സഖാവായിരിക്കണം. 3. സ്ഥലം എസ്സൈ-സി ഐ-ഡി വൈ എസ് പി ചെയിൻ മ്മടെ കൂടെ നില്ക്കണം.

അപ്പോൾ നമ്മൾ തെരഞ്ഞെടുക്കുന്ന ദിവസം രാവിലെ നമ്മുടെ സഖാവായ ജല അതോറിറ്റി ഉദ്യോഗസ്ഥൻ കണക്ഷൻ കട്ട് ചെയ്യാൻ വരുന്നു. അപ്പോൾ താങ്കൾ പ്രത്യക്ഷപ്പെടുന്നു, അയാളെ തടയുന്നു. ചാനലുകൾ വരുന്നു. സര്ക്കാരുദ്യോഗസ്ഥനെ ഔദ്യോഗിക കൃത്യ നിർവ്വഹണത്തിൽ തടഞ്ഞതിന് താങ്കളെ അറസ്റ്റ് ചെയ്യുന്നു. (അറസ്റ്റ് ചെയ്യാൻ വേണ്ടിയാണ് ഉദ്യോഗസ്ഥൻ നമ്മുടെ ആളായിരിക്കണം എന്ന് പറഞ്ഞത്. "പിണറായി സാർ പോയിക്കഴിഞ്ഞു വന്ന് കട്ട് ചെയ്തോ" എന്ന് എസ്സൈ പറഞ്ഞാൽ പരിപാടിയുടെ കാറ്റ് പോകും).

വെള്ളക്കരം അടയ്ക്കാത്ത വീട്ടുടമയെ പിന്തുണച്ചതിനും അയാളുടെ വെള്ളം കട്ട് ചെയ്യാനെത്തിയ ഉമ്മൻ ചാണ്ടിയുടെ ഉദ്യോഗസ്ഥനെ തടഞ്ഞതിനും പിണറായി വിജയനെ അറസ്റ്റ് ചെയ്തു പോലീസ് വണ്ടിയുടെ പിൻസീറ്റിൽ ഇരുത്തി കൊണ്ടുപോകുന്ന ദൃശ്യം ചാനലുകൾ ലൈവ് ടെലകാസ്റ്റ് ചെയ്യുന്നു.

ബാക്കി കാര്യം നാട്ടുകാർ നോക്കിക്കോളും.